LETTRES INÉDITES ce qu’ils vous escripvent, je vous asseure qu’il n’y a villaige à quatre lieues d’icy où il n’y ait encores plus de malades, et tous de pareilles maladies, quy sont longues et aspres au commencement, mais nul n’en meurt. Madame Marguerite et moy feusmes hyer voir le
pressouer du Roy, pour ung peu prendre de l’air ; mais la femme de Janot me conta que tous les servicteurs de son mary sont malades de fiebvres continues, quotidiennes et tierces ; et, combien qu’ils sont traictés d’aulx, d’oignons, d’eau pure et de toutes mauvaises viandes, ils guérissent tous. Après six ou sept révérences, elle me conta qu’elle n’ousoit aller à sa paroisse de Moret, pour ce qu’il y a encores plus de malades, et par tous les villaiges ; quy a faict prendre conclusion aux médecins qu’il vault mieulx que dans
ce bon logis la Royne se guérisse, que retomber malade en ung mauvais ; et quant bien elle le voudroit, elle ne sauroit endurer la litière. Mais sy toust qu’elle n’aura plus de fiebvre, elle a deslibéré se faire porter jusques à Montargis et Chastillon pour là se fortifier. Nous avons ung example quy donne crainte aux malades de partir : c’est que M. de Monchenu’, sans le conseil des médecins, voyant que sa femme estoit amendée d’une fiebvre tierce qu’elle avoit, luy fit changer l’air à une lieue de Sainct-Maturin ; dont elle a pris une grosse fiebvre continue. Je y ay encores mon médecin, et luy ay prié qu’il voulust que je luy Fille de François Ier, nièce et filleule de la reine de Navarre. — Maître d’hôtel du Roi, et de ses trois favoris le plus discret et le moins coûteux.
