Et en après elles furent servies de triquedondaines frittes, et, cela desservy, on leur apporta des pastez d’agobilles, lardées de farouare, lequel est fort cher, car il n’en croist gueres en France. En après elles eurent des triquehouses farcies de triquebiles ; consequemment on leur présenta des marmelottes et des cancrevides rosties en la broche entre deux platz, avec des farsignolles sallées de pouldre à canon, de peur de la colicque, car elles font bon ventre.
Elles eurent aussi force mynehardes pouidrées de gringuenauldes fines ; et pour la quarte assiete elles eurent des halledosses aux grumelins, avec les dadiffles chauldes, puis les marrouffles et les croquignoUes, puis feurent apportez les barcotins et firelimouzes, et les barbelousses sucerez de poix raisiné fresche.
Comment, après qu’ilz eurent soupé et faict grand chère, la royne commanda lever les tables, et comme la royne dansa une basse dance à quatre parties.
CHAPITRE XV.
LE festin et banquet achevé, la royne commanda oster les tables, affin qu’on danceast et ballast pour passer temps, et, incontinent qu’elles furent levées, elle dansa une basse dance à quatre parties. Je vous promectz qu’il
