proies et les païsanz dou païs ; si les metoient en loiens et les trainoient après eus ausi come esclaves, et dormoient ovec les fames de ceus que il enmenoient ensi, voiant eus-meismes. Plus granz doleurs fesoient encor, car il ardoient les mostiers et les eglises, et trainoient après eus en loians les prestres et les genz de religion et les apeloient cantadors par derrision. Quant il les batoient et tormentoient, lor disoient-il : Cantador, cantez, cantador, et puis leur donoient granz bufes parmi les joues et les batoient moult asprement de grosses verges, dont il avint que aucun rendirent les ames à Dieu en telz tormenz, et li auquent, qui ja estoient ausi come demi-mort et afamé de la longue prison, se raemoient[1] par some de deniers pour eschaper de leur mains. Mais coment porroit nus raconter sanz grant doleur de cuer et sanz lermes ce qui après s’en suit. [2]Car il roboient les eglises ; l’eucariste prenoient à leur mains taoulliés[3] et ensanglentées dou sanc humain, que l’on met en ces eglises en vaisselez d’or et d’argent pour la neccessité des malades. Fors des philatieres[4] la sachoient à terre, la getoient, puis la defoloient entre leur piez. Leur garces et leur meschines fesoient vaus[5] et covrechiés des corporiaus seur quoi l’on trete le precieus cors Nostre Seigneur ou sacrement de l’autel. les philatieres et les kalices depeçoient à mauz[6] et à pierres. Les genz dou païs
