dou Pui Nostre-Dame et li bailla une cedule en quoi l’ymage Sainte Marie estoit escrite, et seoit en un throne, et tenoit la forme[1] son chier fil en semblance d’enfant. En la circuité de ce seel estoient lettres escrites qui disoient : « Agniaus de Dieu qui ostes les pechiez dou monde, done nous pais. » Quant li grant prince et li menor et toz li poples oïrent ceste chose, il vindrent tuit ou Pui Nostre-Dame, à la feste de l’Asumption, ausi com il soloient venir chascun an par costume. Quant touz li poples fu assemblez à la sollempnité de la feste, li evesques de la cité prist celui Durant, qui estoit uns povres charpentiers et l’establi enmi la congregation pour dire le commandement Nostre Segneur. Quant il vit que tuit cil qui là estoient orent les orilles ententives à sa bouche, il commença à dire son message et leur commande hardiement, de par Nostre Segneur, que il feissent pais entreus ; et en tesmoing de verité il leur mostra la scedule que Nostre Sires li ot baillié, a tote l’ymage de Nostre Dame qui dedenz estoit empreinte. Lors, commencierent tuit à crier o souspirs et o lermes et à loer la pitié et la misericorde Nostre Segneur ; [2]et li dui prince qui devant estoient en si grant guerre que nus n’i pooit metre pais, jurerent seur les textes des Evangiles, de bon cuer et de bone volenté, et le promistrent fermement
- ↑ La forme, l’image ; latin : « tenens in manibus imaginem Domini nostri Jesu Christi pueri habentem similitudinem ».
- ↑ Primat commet ici une erreur. Dans le texte latin de Rigord, Gesta Philippi Augusti, éd. H.-F. Delaborde, t. I, p. 39, il n’est pas question des deux princes, mais des personnes qui, présentes au Puy, jurèrent d’observer la paix ; au reste, la paix entre Raimond, comte de Toulouse, et Alfonse II, roi d’Aragon, ne fut conclue qu’au mois de février 1185.
