come d’une bouche, que il feist à la requeste le conte et li proierent que il preist l’offre que il li fesoit. Li rois s’asenti à leur conseil. Quant la chose fu ordenée, li cuens fu mandez ; lors vint avant, en la presence des prelaz et des barons, et rendi au roi, et li rendi par droit la contée de Vermandois que il avoit longuement tenue contre droit. Si l’en mist en possession devant tout le barnage[1] ; après jura que il restabliroit touz les domages que il avoit faiz au conte Baudoin de Henaut et aus autres amis le roi, à la volenté et au dit de sa cort, sanz nule demore. Ensi fu la pais[2] reformée entre le roi et le conte ausi come par miracle, car ele fu faite sanz domage et sanz effusion de sanc. Moult fu li poples liez dont la pais fu en tel maniere faite. Grâces et loenges en rendirent à Nostre Segneur qui ensi sauve ceus qui en lui ont esperance.
[3]Entre les autres choses plaines d’admiration que Nostre Sires vout mostrer en terre pour le bon roi Phelippe, une en volons retraire, qui moult est merveilleuse, ensi com aucun des chanoines d’Amiens raconterent puis pour verité, qui certain en estoient, pour ce que une partie de leur rentes sont establies là où ces choses avindrent.
Quant li rois fu meuz contre le conte, si com nous avons dit, et il ot fait ses oz logier près d’un chastel
- ↑ Devant tout le barnage, devant tous les barons. Dans le latin on a seulement : « coram omnibus ».
- ↑ Cette paix fu conclue à Aumale le 7 novembre 1185 (Raoul de Dicet, Ymagines historiarum, éd. W. Stubbs, t. II, p. 38. Voir les clauses de cette paix dans Gilbert de Mons, Mon. Germ. hist., Scriptores, t. XXI, p. 547).
- ↑ Rigord, Gesta Philippi Augusti, § 29.
