et mainte batale en la terre celui Lohier, par envie de ce que il avoit esté eleuz et cil refusez. Et il maimes i reçurent bien près autant de domages come cil Lohier. Si fu atorné à Lohier a grant los et a grant honor, ce que il fu eleuz au roiaume d’Alemagne governer, com il n’i aut droit par raison d’eritage, si le tint et defendi noblement et non mie tant solement celui, mais le roiaume de Lombardie et la corone de l’empire que il reçut à Rome par la main l’apostole Innocent[1], ja soit ce que li Romain en alasent encontre de tot lor pooir. Après, passa à force par la province de Capes[2] et de Bonivent juques en Puile[3] que il conquit par force d’armes, et en chaça Sicule[4] le roi de la terre, et se saisi de la cité de Bar[5] et de tote la terre d’environ. Puis avint, si com il s’en retornoit de cele terre a grant victoire, que il morut de la mort commune qui nului n’apargne[6]. Si fu ses cors portez en Saisoigne[7] son païs dont il estoit sires et dux. Et par ces travaus que il sofri por honor conquerre, mit-il si noble fim en sa vie.
- ↑ Lothaire fut couronné empereur en l’église de Latran par le pape Innocent II, le 4 juin 1133, avec la reine Richilde.
- ↑ Capes, Capoue.
- ↑ Puile, Pouille.
- ↑ Latin : « regem Siculum fugavit » ; il s’agit donc du roi de Sicile Roger II.
- ↑ Latin : « Barensem civitatem », auj. Bari, Italie, ch.-l. de la province de ce nom.
- ↑ Lothaire II qui, au retour de son expédition contre Roger, tomba malade à Vérone, mourut au village de Bretten, près de Trente, dans la nuit du 3 au 4 décembre 1137.
- ↑ Le corps de Lothaire II fut ramené au monastère de Kœnigslutter, dans le duché de Brunswick, où son mausolée se voit encore.
