ensi avenue, demoroient volentiers les genz de France et asez legierement ou roiaume de Jerusalem, et mainz granz biens i avoient faiz. Mais puis ce tens, por ce fait, ne porent estre si à acort à cex dou païs com il estoient devant. Et quant il vienent aucune foiz ou pelerinage, si s’an retornent-il au plus tost que il puent.
[2]Plusor genz se midrent maintes foiz en enqueste[3] de demander à sages homes qui avoient esté à cele besoigne, por savoir certenement comment et par cui cele traïsons avoit esté faite et porparlée. Cil maimes qui ceste estoire fit le demanda plusors foiz à plusors genz dou païs ; diverses raisons en rendoit l’an. Li uns disoient que li cuens de Flandres fu plus achoisom[4] de ceste chose que nus autres, non pas por ce que il saut ne consentit la traïsom, car sitost com il
- ↑ Bibl. nat., ms. fr. 2813, fol. 219.
- ↑ Guillaume de Tyr, liv. XVII, chap. VII.
- ↑ Guillaume de Tyr dit que lui-même fit cette enquête : « Memini me frequenter interrogasse et sæpius, prudentes viros, et quibus illius temporis solidior adhuc suberat memoria, et ea maxime intentione, ut compertum historiæ mandarem præsenti : quænam tanti mali causa fuerit, et qui tanti sceleris fuerint auctores ; et quomodo tam detestabilis conceptus effectui potuit mancipari. »
- ↑ Achoisom, cause.
