Page:Viard - Grandes chroniques de France - Tome 6.djvu/95

XXI.

Comment l’emperere d’Alemaigne s’en parti tantost de Jherusalem et s’en ala en son pays, et le roy de France, quand il ot là sejourné I an, s’en vint en France^[1].

^[2]Li empereres Corraz vit que li afaire de la terre d’outre mer estoient en tel point que ne pooient pas bien estre li barom d’un acort de faire ne d’emprendre chose qui vausit, si que nais li prodome disoient que ce estoit haine de Dieu ; et il avoit asez à faire d’entendre à governer son empire. Por ce, fit aparelier sa navie, congié prit à cex qui remanoient, si entra ès nés et s’en revint en son païs ; mais ne vesqui mie puis plus de II anz ou de III, ançois fu morz en la cité de Paemberc^[3] et enterrez moult honorablement en la maistre eglise de l’eveschié. Moult fu bons princes, piteux et debonaires, granz de cors, forz et biaus chevaliers, bons et hardiz, bien entechiez de totes choses. Ferris ses niés^[4], dux de Souave, de cui vous oïstes qu’il estoit alez en ce pelerinage ovoc son oncle, fu empereres après lui. Jones hons estoit, mais de trop grant maniere, fu sages et viguereus.

^[5]Li rois Loois de France, quant il ot demoré en la

1. Bibl. nat., ms. fr. 2813, fol. 219 v^o.
2. Guillaume de Tyr, liv. XVII, chap. VIII.
3. Paemberc, Bamberg, Bavière. Conrad III mourut dans cette ville le 15 février 1152, dans sa 59^e année, et y fut enterré.
4. Frédéric I^er, surnommé Barberousse, duc de Souabe, avait été désigné empereur par Conrad lui-même.
5. À partir d’ici le Recueil des Hist. des Gaules et de la France, t. XII, p. 201, reprend le récit des Grandes Chroniques, dont il avait interrompu la publication depuis le chapitre III.