Encore aultres balades/V

La bibliothèque libre.


V


Quant chacun s’en revient de l’ost
Pour quoy demeures tu derriere ?
Et si scez que m’amour entiere
T’ay baillée en garde et depost.

Si dcusses retourner plus tost,
A fin que faisiens bonne chiere,
Quant chacun s’en revient de l’ost.

Puis qu’honneur point ne le te toit
Qui te puet tenir si arriere ?
Je m’en plaindray de la maniere
Au dieu d’amours, c’est mon prevost,
Quant chacun s’en revient de l’ost.