Encore aultres balades/VII

Christine de Pisan

Qui vous en a tant appris ?

Encore aultres balades, Texte établi par Maurice Roy, Firmin Didot, 1886 (p. 277).

VII

Qui vous en a tant appris,
Noble duc des Bourbonnoiz,
Des gracieux esbanoiz
Qui sont en dicter compris ?

S’a fait Amours qui empris
L’a, pour oster voz ennoiz ?
Qui vous en a tant appris ?

Car si bien vous estes pris
A dicter, se m’y congnoiz,
Que je dy et recongnoiz
Que vous en portez le pris ;
Qui vous en a tant appris ?