Iconologie (Cesare Ripa, 1643)/II/Amour de la Renommée
Amovr de Renommée.
Et Amour nous eſt figuré par vn Enfant tout nud,
qui a des aiſles au dos, vne Guirlande de Laurier à
la teſte, & trois autres aux deux mains. Ce qui
nous apprend que de tous les Amours qui nous ſont
repreſentez diuerſement par les Poëtes, le plus glorieux & le
plus inuincible eſt celuy de la Renommée, qui s’acquiert par la
Vertu. Il eſt couronné de Laurier, pour vne marque des honneurs
ſouuerains qui ſe doiuent aux actions vertueuſes : Ce
qui fait voir encore que l’Amour de la Vertu eſt incorruptible,
& va iuſqu’à l’infiny, comme le Laurier eſt touſiours verdoyant.
I’obmets que les autres Couronnes, toutes diuerſes,
& poſées à coſté ſur vn pied-deſtal, repreſentent celles que
les anciens Romains donnoient aux Victorieux pour prix
de leur valeur, comme la Ciuique, la Murale, & ainſi de leurs
ſemblables.