Le Disciple de Pantagruel/1875/13

Attribué à François Rabelais

Le Disciple de Pantagruel (Vers 1538)

Texte établi par Paul Lacroix, Librairie des bibliophiles, 1875 (p. 28).

Comment Panurge commanda que l’on recueillist lesdictes Andouilles qui avoient esté couppées, pour mettre en sa navire pour nourrir et substanter ses gens.

CHAPITRE XIII.

Quand nous vismes que nous ne leur pouvions aultre mal faire, nous deliberasmes en nous mesmes de nous en retourner amasser toutes celles que nous avions tuez, et les salasmes tres-bien, et les portasmes en nostre nef, puis les fismes seicher, les unes à la fumée, les aultres au soleil, lesquelles nous servirent bien puis après. Si elles ne se feussent saulvées audict et fleuve, nous en eussions emply tout nostre navire, et vous en eussions apporté pour veoir et monstrer de quelz volumes ilz sont, et pour vous donner envye d’en manger, car ilz sont fort bonnes.