Les Œuvres de Mesdames Des Roches/Madeleine des Roches/Sonnet 34
Abel L'Angelier, (p. 43).
Le doux ſommeil ayant fermé la porte
À mes trauaux, ie voy du Ciel deſcendre
L’unique oyſeau r’alumé de ſa cendre,
Qui auoit Mars & Minerue pour ſcorte.
Son vol repris il laiſſa l’Aigle forte,
Pour le Germain de la Toiſon deffendre,
À ſes petits la place ie vey prendre,
Comme un deſtin inopiné l’emporte.
Lors vn ſerpent ſous vn aſpect benin,
Au nid Royal ietta tant de venin,
Que des petits l’aile bien trauaillee,
Volant plus haut qu’on n’euſt oſé penſer
Faict le ſerpent ſous la terre muſſer,
Et ſur ce point ie me ſuis éueillee.