Les oeuvres poétiques de Clovis Hesteau de Nuysement 1578/Helas donnez moy treve

La bibliothèque libre.
Sauter à la navigation Sauter à la recherche


Les oeuvres poétiquesAbel l'Angelier (p. 107).

XLIIII.



Helas donnez moy treve ô mes pensers ardens,
N'est-ce assez que l'Amour, le Ciel, & la Fortune,
Bastissent en mon sein une place commune,
Pour d'un cruel accord me combatre dedans.

O cueur traistre à moy seul, par qui les soings mordans
Enfantent le penser qui cruel m'importune,
Appresteras-tu l'heure & la voye opportune,
Au destin dont je sens les effects discordans.

En toy seul des Amours la tourbe se retire,
Le Ciel verse dans toy tout ce qu'il a de pire,
Et la fortune en toy grave un dur souvenir.

Si l'Amour & le Ciel triumphent de ma gloire?
Si les tristes pensers sont fils de la Memoire?
N'es-tu pere des maux qu'ils me font soustenir.