Mémoires de la ville de Dourdan/Hugues Capet

La bibliothèque libre.
Aller à la navigation Aller à la recherche

Huë Capet.

Dourdan juſques icy auoit eſté poſſedé par Seigneurs particuliers : mais auſſi toſt que Huë Capet (auquel il appartenoit en propre par la ſucceſſion de Hugues le Grand ſon pere) fut appellé à la Couronne, il l’y reünit, & y eſt touſiours demeuré, horſmis quelque temps qu’il a ſeruy d’appanage à des enfans de France, comme il ſera remarqué en ſon lieu. Ie n’ay autre preuue pour juſtifier que ce Roy a honoré Dourdan de ſa preſence ſinon qu’eſtant ſon heritage propre, & ſ’y eſtant habitué (comme il eſt vray-ſemblable) auparauant qu’eſtre Roy, à l’exemple de ſon pere, & pour les meſmes raiſons on ne dira pas qu’il l’aye oublié & meſpriſé apres qu’il a eſté Roy, puiſque ſes ſucceſſeurs Roys ne l’ont deſdaigné.