Cette page a été validée par deux contributeurs.
140
POÉSIES
Elle m’avoit sa foy promise,
Mais je voy qu’elle a mis son cueur
Au plus offrant.
Et pour ce je quitte la prinse
D’estre nommé son serviteur,
Car donner me porte malheur.
Ainsi j’ay laissé l’entreprise
Au plus offrant.
XIII. RONDEL.
Entens à moy, vray dieu d’amours,
Et faiz que la mort ait son cours
Hastivement,
Car j’ay mal employé mes jours.
Je meurs en aymant par amours
Certainement.
Languir me fault en griefs doulours.
XIV. BALLADE.
Pour ung prisonnier.
S’en mes maulx me peusse esjoyr
Tant que tristesse me feust joye
Par me doulouser et gemir,
Voulentiers je me complaindroye ;
Car, s’au plaisir Dieu, hors j’estoye,
J’ay espoir qu’au temps advenir
A grant honneur venir pourroye
Une fois avant que mourir.
