Seigneur, dont l’esprit est si bon et si doux en toutes choses, et qui estes tellement misericordieux, que non seulement les prosperitez, mais les disgraces mesmes qui arrivent à vos esleus sont des effets de vostre misericorde : faites-moy la grâce de n’agir pas en payen dans l’estat où vostre justice m’a reduit ; que comme un vray Chrestien je vous reconnoisse pour mon Pere, et pour mon Dieu, en quelque estat que je me trouve, puisque le changement de ma condition n’en apporte pas à la vostre ; que vous estes [1]le mesme, quoy que je sois sujet au changement, et que vous n’estes pas moins Dieu quand vous affligez et quand vous punissez, que quand vous consolez, et que vous usez d’indulgence.
Vous m’aviez donné la santé pour vous servir, et j’en ay fait un usage tout profane : vous m’envoyez maintenant la maladie pour me corriger : ne permettez pas que j’en use pour vous irriter par mon impa-
- ↑ A. [toujours].
