Page:Œuvres de François Villon Thuasne 1923.djvu/176

La bibliothèque libre.
Le texte de cette page a été corrigé et est conforme au fac-similé.

iii Je le feis en telle façon,
Voyant celle devant mes yeulx
Consentant a ma deffaçon.
Sans ce que ja luy en fust mieulx ; 20
Dont je me dueil et plains aux cieulx,
En requerant d’elle vengence
A tous les dieux venerieux.
Et du grief d’amours allegence. 24

iv Et se j’ay prins en ma faveur
Ces doulx regars et beaux semblans
De tres decevante saveur,
Me trespersans jusques aux flans, 28
Bien ilz ont vers moy les piez blans
Et me faillent au grant besoing.
Planter me fault autres complans
Et frapper en ung autre coing. 32

v Le regart de celle m’a prins
Qui m’a esté felonne et dure :
Sans ce qu’en riens aye mesprins,
Veult et ordonne que j’endure 36
La mort, et que plus je ne dure ;
Si n’y voy secours que fouïr.
Rompre veult la vive souldure.
Sans mes piteux regretz ouïr ! 40

iii. — 19. Consentant en A. — 20. Sans que ja luy en fust de A ; Sans ce qu’il y en eust mieulx B. — 21. Dont je me plains ay dueil B ; es cieulx C ; aux Dieux F ; Dont je dueil et plains I. — 23. Et a tous B ; venereeulx A ; bienheureux B ; victorieux C. — 24. Et du dieu B.

iv. — Manque dans CI. — 25. Et si je puis B. — 26. Ses doulx A ; doulx regrets B. — 27. De l’inestimable faveur F. — 28. Me transpercent B ; transperce F. — 29. Bien s’il ont A ; Amours si ont les piez F. — 30. Ilz me F. — 31. autre complant BF.

v. — Manque dans CI. — 35. Sans ce que j’eusse riens mesprins F ; j’aye A. — 39. Rompre vueil la vive sous dure F.