Le texte de cette page a été corrigé et est conforme au fac-similé.
Scène 3
Silvandre, Cléande.
Silvandre
Alons, cheres brebis, ja la nuit est venue,
Et ici l’Astre argente d’une pointe cornue
Commence d’esclairer les ombres de la nuit.
Toutes fois ce soucy impiteux me poursuit,
Et soit que le Soleil luise de vers l’aurore
Ou au triste occident, cest oiseau me devore,
Je dis Amour cruel qui se paist de mon cœur,
Inhumaine Cleande et ingrate douleur.
Cléande
Le portraict du Berger dont j’ay l’ame blessée
Est si bien figuré aux yeux de ma pensee,
Qu’il me semble à tout point de le voir ou pleurer,
Ou se plaindre de moy, ou pour moy souspirer.
Silvandre
O Dieux, quelle merveille,
Mes yeux me tromper-vous ! je dors ; non fais, je veille ;
Je la vois, ouy c’est elle. Honneur de ces forests,
Qui tiens ma liberté surprise dans tes rets,
