Le texte de cette page a été corrigé et est conforme au fac-similé.
Au joug de ta beauté, et que ton fier mespris
N’a peu glacer le feu dont mon cœur fut espris,
Si tost que ton bel œil je fit Roy de mon ame.
Cléande
Silvandre que dis-tu ? moy mespriser ta flame,
Moy payer de rigueur ta ferme loyauté,
Et punir d’un desdain que tu n’as merité
Ton pudique defis ? tu te trompe.
Silvandre
Je me trompe, comment ?
Cléande
Ains piteuse à tes vœux
Silvandre
Piteuse, ha ! que dit-tu ?
Cléande
Silvandre, il est ainsi que mon cœur abbatu
Soubs les pieds de l’Amour n’a plus d’obeissance,
De vie et de desirs, et bref point de souffrance
Que pour toy, mon souci ; j’en adjure le Ciel.
Silvandre
Ne jures point ma belle, ô parolles de miel !