Cette page n’a pas encore été corrigée
Silvie
De tant de soins divers je me vais saccagee,
Depuis qu’Amour cruel m’osta la liberté,
Qu’il feroit mieux pour moy n’avoir jamais esté,
Que de languir au joug d’Amour, à qui mes larmes,
Au lieu de l’adoucir ont fait prendre les armes,
Pour redoubler mes maux ; mais ne cognois-tu pas
Le Berger qui surprit mon ame à ses appas ?
Cléande
Non.
Silvie
Par le trait de ses yeux, ce Soleil, ce Silvandre,
Le Roy de tous les cœurs sensibles à l’Amour ?
Ha ! Cleande, si fais, tu le cognois.
Cléande
J’en ouys discourir une Nimphe gentile,
Qui laissa le sejour de sa natale ville,
Pour plier dans nos bois le joyeux renouveau ;
Elle le depeignoit jeune, courtois et beau,
Et de qui les regards estoient de douces fleches,
Qui faisoient dans les cœurs mille amoureuses breches.