Cette page a été validée par deux contributeurs.
8
ANTHOLOGIE FÉMININE
Voloir, plaisance et desir, sans retour,
Ay-je esloingné de tous et arrier mis,
Et tout pour vous, biaus, dous, loyaus amis.
CHANSON
Refrain.
Moult suy de bonne heure née
Quand je suis si bien amée
De mon doulz ami,
Qu’il ha toute amour guerpi
Et son cuer à toute vée
Pour l’amour de mi.
Nos cuers en joie norri
Sont si, que soussi
Ne riens que nous desagrée
N’avons, pour ce qu’assevi
Sommes de mercy,
Qu’est souffisance eppelée.
Un delir, une pensée,
Un cuer, une ame est entée
En nous ; et aussi
De voloir somes uni
Oncques plus douce assemblée
Par ma foy ne vi.
Moult suy, etc.
Non pour quant je me deffri
Seulette et gemi