Cette page n’a pas encore été corrigée
faire. Parquoy je reprimeray mes passions et te compteray mes actions, en allant tousjours nostre voie. Or escoute donc. Je y suys (dist le vieil Archier), mais soubz licence de faire quelques brieves demandes interlocutoires sur les poinctz où je verray m’estre besoin de plus planiere intelligence que de simple narration. Tresvoluntiers (dist le Franc-Gal), car par ce moyen j’auray loysir de respirer en allant et parlant, et le devis sera plus gracieux estant alterné que continué, et le faict mieux remembré et entendu. Parquoy, je te prie, ne crain d’entrejecter incidens et entrerompre propos où tu verras que je ne te satisferay. Et voicy où je vais commencer mon histoire.
