C’on ne trouvast si bielle en soissante paÿs ;
Quant ses perez le voit, s’en fu tous resjoÿs,
Doctriner le faisoit de sagez clercs soubtils ;
De la haulte scienche et des divins escrips
Aprendoit si tresbien, pour chiertain le devis,
Que dou cours des estoillez estoit son corps apris,
Sage estoit en tous cas, et en fais et en dis ;
Bien savoit arghuer a tous les plus hardis.
Moult l’ama ses parins, li pappez signouris ;
Pappes Simon ot non, che nous dist li Escrips.
Quant l’enffant baptisa, qui tant ot cler le vis,
Unne moult riche piere li donna par advis ;
N’avoit piere si dingne jusqu’au port as Juis,
Car dame qui le porte, qui sur son corps l’a mis,
Ja par honme vivant n’ert ses corps amenris
Ne par venin ossi ennierbéz ne perilz.
Puis li fu moult tresbonne le piere dont je dis,
Enssi que vous oréz, mais que je soie oÿs.
Huy mais oréz canchon, qui est de pitteux dis,
De la bielle Flourenche, qui fu de hault avis.
Moult fu li corps de li et améz et siervis :
Audeghons, se maistresse, ne le fist point envis.
Mult fu celle puchelle de scienche garnie,
Car elle aprist le cours de vraie astronomie
Et le haulte scienche de la droitte surgie.
De medechine fu en scienche adrechie,
Car je croy qu’il ne fust de nulle maladie
Dont moult bien ne seuist garandir le maistries
Les hierbes et les pieres ou la viertu s’alie
Congnissoit la puchielle par chiertainne estudie.
Il n’y avoit chité entoutte Ronmenie
Ne ville ne chastiel jusques en Anghorie
- ↑ 132 astrononie — 135 qui ne.
121 jusque au p. a — 128 h. amis