Quant li baron l’oÿrent, si en ont ris plenté.
« Dame », dist Agrevain, « par me crestiennetté
Ja ne seray en liu ne yvier ne esté
C’on ait che mariage ne fait ne acordé ;
Car, puis qu’il ne vous plaist, point ne me vienta gré,
— En nom Dieu », dist la bielle, « vous avéz bien parlé. »
A ycelle raison furent dou roy mandé
D’un chevalier, qui dist a yaus par amisté :
« Signeur, li empererez au corps gent honnouré
Vous mande en parlement ; ja y sont si tassé. »
Adont se sont andoy li chevalier levé,
Et Flourence la bielle, qui tant ot de bonté,
Leur a dit au partir : « Soyés bien avisé ! »
Or demoura Flourence dolante et esmarie,
A soy meïsmes dist : « Douche Vierge Marie,
Ne voeilliés consentir, dame, je vous em prie,
Qu’a tel viellart je soie donnee n’otroiie ! »
Audeghons, se maistresse, le semont et castie ;
Et li boins empereres a le chiere hardie
Estoit en parlement avoecq se baronnie.
Sanssez et Agrevains, qui Jhesus beneÿe,
Furent daléz le roy, qui douchement leur prie
C’on lui donnast conseil sans nulle villonnie
Dou riche roy Garssille a le barbe flourie,
Qui pour sa fille avoir fors le requiert et prie.
Li uns li acordoit, li aultres li detrie.
Dist Sansses de Tarente : « Voléz que je vous die ?
Li homs n’est mie sage, se Dieus me fache aÿe,
Quant il a unne fille, bielle et bien adrechie,
Quant oultre son voloir l’assenne ne marie,
Car, quant elle s’assenne ou ses coers ne s’otrie,
- ↑ 503 emperes — 515 la ou ; ne manque.
491 raison dist la bielle f. — 492 De .i. — 497 auisez
