Mais li fiers de sa lanche va ou blazon frappant,
Si qu’il ya Esmeret contre tiere jectant.
Ains qu’il se relevast, vont dessus li montant,
Si l’ont rendu au roy sain et sauf et vivant.
Li rois l’a conmandé a maint vassal vaillant,
Qui as tentes le vont sur un cheval menant ;
A l’estacque dou tref vont Esmeret loyant,
La aloit li vassaus Flourenche regretant :
« Aÿ ! Flourence amie, vo dueil va renforchant,
Et ossi fait li miens, dont j’ay le coer dolant !
Or fu pris Esmeréz a la chiere hardie
Et menéz ens ou tref, qui luist et resplandie ;
Et ses frerez Millons a l’autre lez tournie,
Sanssez le va sieuwant, qui le chiere ot hardie.
Il ont unne battaille a celéz desconffie
Li Grigois vont fuiant conme bieste esragie
Viers l’estandart Gharssille, que li corps Dieu maudie !
Milles vint a Sansson, haultement li escrie :
« Sire Sansson », dist-il, « oiiés que je vous die :
Que vous me voeilliés faire, s’il vous plaist, courtoisie
Ou vous ne meteréz du vostre unne maillie,
Et si me metteréz en telle signourie
C’onques telle n’ot homs de le moie lignie.
— Mille », ce dist Sansson a la chiere hardie,
« Se faire le vous puis sans nulle villonnie,
Volentiers le feray, pour voirs le vous affie.
— Oïl », che dist Millon, « se Dieus me beneÿe,
Et veschi l’ocquoison que je vous segnefie :
Mes freres est ochis en yceste estourmie ;
Or vous pry qu’au retour en la chité antie
Voeilliés dire a Flourence et a la baronnie
- ↑ 1684 reslandie — 1689 Deuiers — 1693 vous me meterez.
1675 que il