« Veus le tu croir, o ai dit en perdon ? »
Lor le Paiens tient basez le menton,
D’une grant piece n’i respont si ni con.
Quant put parler, si dist : « Rollant, entant.
« En lui oncir fust mal e traïmant.
« Sas tu por qoi batisme non consent ?
« Il ni diroit la plus part de ta gient
« Que baticé m’aüst de bon talent
« Por torner ma arme a pont de salvament,
« Mais por peor l’eüst fait solement :
« Je nel voldroie, por tot l’or d’Orïent,
« Che il en fust blaismez li mi parent
« Che moi rendisse al filz Millon d’Anglent. »
Respont Rollant : « Tu parles malement.
« Honor avrais de cist acordement :
« S’en sant batisme veus croire loialment,
« Vencus me clam a Diex, e toi me rent ;
« En toi me veul fier complïement,
« Che m’en leirai mener el mandement,
« E donc porais plus honorablement
« Vers Carlons prendre batisme e acordemant.
« Se tu fais ce, grant honor t’en apent. »
Lors le Paiens respondi folement.
« Rollant », dist il, « mout sais d’afeitement.
« Afermez sui sor un entendiment :
« Ceste bataile a duré longement,
« Je la veul trair don tot a finiment.
« O je avrai encué le braç sanglent,
- ↑ — 3957 Q. il put parle — 3960 Il mi diroit — 3965 Chil — 3966 rendist — 3971 fer complement — 3972 leira — 3974 prendre manque — 3975 ten prand — 3977 de feitament — 3981 sanglant.
— 3954 croir oui dit
