Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/225

91

par le roy charlemaigne

« Que ne serez en sy l[aint]aing regné
« Secouray vous o tretout mon barné. »
Dist l’emperiere : « Ore avons bien parlé. »

Lors se herbregent Franczois en la Cité,
2355Parmi les ru[e]s et du lon et du lé.
Nostre emperiere est ou palays monté
Qui moult estoit de grant nobilité.
Moult granz richessez [il] ont dedans trouvé,
Saye et argent et fin or esmeré ;
2360Mès ilz n′y trovent ne pain, ne vin, ne blé,
Ne de nul vivre valant ung ail pelé ;
Noz crestïens en y ont prou porté.
La nuyt reposent en la bonne cité
Juqu’andemain que il fut ajourné,
2365Que l’emperiere s’est par matin levé ;
Pour ouïr messe est au montier allé.
Puis est ly roys [ore] ou palays monté,
Et le menger fut moult riche apresté ;
As[s]is se sont, quant chascun ot lavé.
2370A Dieu rend gracez le roy de majesté
De ce qu’il a Quidalet la cité ;
Grant joaye [en a], moult en a Dieu loué.
« Sere, dist Nesmes, entendez mon pancé : (f^o 43)
« Cy près de nous a une forte cité,
2375« Gardoyne a nom, moult est de grant beauté,
« Forte est et riche et de [moult] grant bonté ;
« La gent dedens sont de grant fierté ;