Page:Anonyme - Macaire, chanson de geste.djvu/252

60

697—723

Macaire.

« En vestra çanbre e vestir e çalçer,
« Et prendés de l’avoir qe aiés por spenser. »
Dist la raina : « Et eo li voio otrier ;
« Vostre voloir non voio stratorner. »
Entro sa çanbre se voit ad atorner.
E l’inperer non volse l’ovra oblier :
Un son donçel elo fe apeler,
Li qual estoit parant de Morant de River.
En tota la cort no se poroit trover
Nul damisel plus cortois e ber
Ne qe plus amase l’onor de l’inperer.
Albaris oit non, ensi se fait clamer.
Plus est loial de nul altro civaler.
Le rois le vit, si le prist apeler :
« Albaris sire, alez vos pariler ;
« Cun la raine el vos convent aler,
« Et in tal lois nu la deça mener
« Tant q’ela soia fora de mon terer.
« E quant averi ço fato, si v’en tornez arer. »
Dist Albaris : « Ne le poso contraster ;
« Vestre voloir eo faro volunter. »
Adoncha Albaris no sen volse entarder ;
Son palafroi el se fe enseler
E çinse li brando, non oit altro corer ;
Et in man el porte un sparaver.
Tutor li vait darer un so livrer.
La dama fait sor un palafroi monter,