Via la mene, qi ne doia noier,
Por le çamin se mist ad erer.
Gran dol ne moine péon e çivaler,
Meesmo li rois cum N. de Baiver.
Quant Albaris s’en vait desevrant,
Gran dol ne mene le petit et li grant ;
Meesmo li rois la plure tendrement.
Et cil s’en vait por le çamin erant.
Quant Machario veoit qe estoit en tant,
A son oster el s’en vent corant.
Cil le destrue qe formo Moïsant !
Por lui fo la raine mesa in gran tormant.
Elo s’armo d’arme e de guarnimant,
Et si monto sor un auferant.
Prist una tarçe, à li col se la pant,
Et in sa man una lança trençant.
De Paris ese soeve e belemant,
Rer Albaris el vait civalçant.
Et Albaris s’en vait cun la dama ensemant ;
Ne se dotava de persona vivant.
Las ! qe li rois no sa del traïmant
Qe li oit fato Machario le seduant.
Tant s’est Albaris alés avant
