« D’ele faro tot li mon talant.
— Nen fari, dist Albaris, por lo men esiant,
« Ançi çerchares del trençer de mon brant ! »
« Machario, dist Albaris, e no vos quer noier,
« Tu m’e por mal avenu darer,
« Por la raine qe m’e donea à guier.
« Quant li savera K. maino l’imperer,
« E li Danois, el dux N. de Baiver,
« Tot ton avoir no t’avera çoer
« Q’elo no te faça à dos fors apiçer.
« Torna arer, no ve dar engonbreir ;
« Ço qe tu pensi no te val un diner. »
Dist Machario : « Tu no la po mener,
« E se de ren tu la vo defenser,
« El vos estoit à mala mort finer. »
Quant Machario vi q’el no la vol bailer,
Decontra lui el ponçe son destrer.
E Albaris si fo pro e liçer ;
El tra la spea si le va calonçer.
Se Albaris aüst eu son corer,
Ben l’aüst defesa contra un çivaler.
L’un contra l’autre lasa le çival aler.
Albaris tent li brant forbi d’açer,
