Page:Anonyme - Macaire, chanson de geste.djvu/266

74

869—895

Macaire.

E Macario fo à sa mason alé,
Por mires mande qe le ont bindé.
E Macario oit sa gent apelé.
« Segnur, fait il, se de nient m’amé,
« Quant eo sero à li palais alé
« Et à table eo sero aseté,
« Se quel levrer sera reparié,
« Çascun de vos aça un baston quaré ;
« Faites qe à moi el non soia aprosmé. »
E cil le dient : « Volunter e de gré ;
« Nu faron ben la vostra volunté. »
E li can oit de cel pan mangé
Qe il avoit de la tabla porté.
Terço çorno stete q’el non fo sevré,
E quant il oit la fame asa duré,
Dever la cort el fo açaminé
Pur à quel ore qu’il estoit parilé.
Et Macario estoit à le table aseté ;
Ancora avoit le viso inbindé.
Venu estoit à la cort e si se fo mostré
Por qe la gent n’aust mal pensé.
E le livrer fo sor li palès monté,
Tosto el fust à Macario alé,
Quant cele jent da li baston quaré
Le escrient, si le done de gran colé.
E li can fu à la tabla alé,
Prende di pan, si fo via scanpé,