Sovra li cor si le voit à pier,
Por li avoir de voire guaagner.
Davant li rois li vait à presenter.
Li rois le vi, molto li parse agraer ;
Le mile livre li fait doner.
Pois fait celu e prender e liger ;
En cele lois o il volse paser
Por la gorça elo li fe apiçer,
E pois apreso et arder e bruser.
Gran dol n’oit qui del so parenter ;
Mais por li rois i no olsa mostrer.
Que la bataile fo tanto dura e fer
Non est nul homo qe le poust conter.
A l’ademan apreso li vesprer
Si ne duro la meslea e li çostrer.
Gran fu la meslée entro Machario e li can ;
Major non vi nesun homo vivan.
Lo can li morde por costes e por flan,
E cil le done de li baston sovan
Porme la teste, si qe n’ese li san.
Qui de Magance ne fo en gran torman ;
Voluntera atrovast paro qe fust avenan
