Que de ses filles une o soi vout mener,
Que puis la fist richement marier,
Et grant avoir à son seignor doner.
Quant a ce fait, se metent au nagier ;
Vait s’en la dame, ensemble Varochers.
Or un petit lairons ci d’eus ester,
Si conterons de Kallon au vis fier
Et de Naimon dou duché de Baivier.
A icel jor que avec sa moillier (*)
Trova le nain ens el lit acouchié,
Ains que del tot il la volsist jugier,
Le conseilla dus Naimes de Baivier
Que à son pere envoiast mesagier
Trestot l’affaire et dire et deraisnier :
Si com l’avoit vergoignié sa moillier,
Qu’avec le nain trovée ot en pechié ;
Bien li pooit de ceste oevre anuier.
Et por itant fu pris à mesagier
Uns quens de France et nobiles et ber
Qui ot à nom Berart de Mondidier.
« Berars, dist Kalles, il t’en estuet aler
« L’emperéor en sa cité parler.
« De moie part tu li iras noncer
« Que soe fille ai trovée en pechié
« Non mie avec un duc o un princier,
« Ains od un nain, dont m’est grans reproviers.
« Ne s’en merveille se ie m’en vueil vengier,
Page:Anonyme - Macaire, chanson de geste.djvu/339
Le texte de cette page a été corrigé et est conforme au fac-similé.
1729—1755
147
Macaire.
