« Qui en vos se fie bien puet estre certains (*)
« De n’avoir mal ne au soir ne au main.
« Sor tos les saiges estes li chievetains ;
« En vos auroit éu boins chapelains (*)
« Por conseiller trestos les crestiens.
« Mes gentis sire, ce dist li dus Naimon, (*)
« Jugemens fais contre droit et raison
« Moult puet desplaire à tote gent del mont ;
« Et qui le fait en atent bon guierdon
« Dou roi de gloire, cil qui sostient le tron.
« Jugiée fu à tort, sans achoison,
« Cele qui ert la plus bele dou mont
« Et la plus saige et de meillor raison
« Qui onques fuist puis le tens Salemon.
« Com l’éust mais pensé nus hom del mont
« Que cist Macaires, qu’aviés à compaignon,
« Eust vers vos pensé tel traïson
« Ne éust mort Aubri sans achoison
« Por la roïne, por en faire son bon. (*)
« De cele dame ne savons o ne non
« Qu’est devenue puis sa desevroison ; (*)
« Mais dist mes cuers si sui en sospeçon
