Qe li rois volse onir e vergogner.
De Albaris non laso qe conter,
Como le oncis quel malvasio liçer,
E como en le bois s’aloit afiçer,
E coment l’avoit convoié Varocher
En Ongarie et davant et darer.
E si le conte de li cortois oster
E de ses fille e de sa muler :
« De li rois d’Ongarie ne vos poria conter,
« Qe mon filz el me fe batiçer ;
« Tant honor m’a fato nel devez oblier,
« En vestra vie le devés gracier. »
Qui doncha veist la mer la fia baser !
A tanto ecote vos de França li mesaçer.
Avanti q’el poüst in la cité entrer,
A l’inperer el fo fato nonçer.
E quant le rois le soit, elo fe sbanoier
Qe de sa file nu hom déust parler.
Nen vol pais mie qe quelo mesaçer
D’ele ne saça novela aporter.
Quando Bernard fo en Costantinople entré
E qe à l’albergo elo fo ostalé,
