Page:Anonyme - Macaire, chanson de geste.djvu/415

2624—2640

223

Macaire.

Et en après, ains que fust desevrés,
Totes les copes qu’ot Salemons arier,
Et les hanas de grant nobilité,
Les arméures, les brans forbis d’acier,
Quanque en i ot, en a o soi porté.
Ne s’en perçoit nus hom de mere nés.
De cele chose nus ne se fust doté
Ne que léans uns lerre fust entrés
Por la paor d’estre au vent encroés.
Et Varochers, il et tos ses barnés,
S’en sont torné trestuit joiant et lié
A la lor ost, ains que fust esclairié.
Quant cil les voient ensi bien atornés,
De grant avoir que tuit erent chargié,
Et les destriers mener si abrivés,
Dist l’uns à l’autre : « Où sont cestui alé
« Que tant avoir ont ensi gaagnié ? »
Dist Varochers : « Ne vos en merveillés,
« Que de tel lieu l’avons nos aporté
« Là où de l’autre estoit à grant plenté. »
Dist l’uns à l’autre : « Et ne serai derier. »
Plus de deus mile adonc l’ont avoé
D’aler o lui coiement, à celé ;
Et Varochers pas ne l’ot refusé.
A son segnor il est devant alés,
Le bon cheval Kallemaine au vis fier
Tot premerains li a en don baillé,