Le texte de cette page a été corrigé et est conforme au fac-similé.
3184—3201
269
Macaire.
Coment li Danois apeloit Varocher.
Quant oïe ot li Danois la novele,
A grant merveille ele li paroit bele.
Tel joie en ot tos li cuers li sautele,
Dieu en mercie et la Vierge pucelle,
Et Varocher belement en apele.
« Vos m’avés dit, fait il, itel novele
« Que plus ai chiere de l’onor de Bordele.
« De vos amer li cuers me renovele.
« A Kallon vai, le segnor de Bordele,
« Si li dirai m’avés rué de selle.
Coment li Danois parole.
Dist li Danois : « Ne le vos quier celer,
« Itel novele m’avés dit et conté
« Plus en ai joie que s’éusse acquesté
« D’estre li sire de Rome la cité,
« Por la roïne qu’est vive et en santé.
« A Kallemaine m’en tornerai arier ;
« De cele chose ne li sera conté,
« Mais autrement li sera devisé,
