Page:Anonyme - Raoul de Cambrai.djvu/300

La bibliothèque libre.
Cette page a été validée par deux contributeurs.
189
raoul de cambrai

« Je sui encor de mes plaies destrois
« Et vos meïsme ne serez sains des mois.
5510« Je sai molt bien qe molt nos heit li rois :
« Fera nos guere, c’il puet, en Vermendois ;
« Sor nos venra a mervillous effrois ;
« Et vos mandez toz sox qe vos porrois,
« G. les siens, li preus et li cortois ;
5515« Et je sui ci molt près de Loenois,
« Assez souvent les metrai en effrois.
« Ja nes garra ne bare ne defois
« Souvent n’en çaingne mon bon branc vienois. »
A ces paroles sont departi manois.
5520Li sors G. s’en ala en Artois,
Dame A. en Cambrisis ses drois.

CCXLVIII

Droit a Aras s’en va li sors G.,
Et Gautelès repaire en Cambrezis
Et A. s’aiole o le cler vis ;
5525Mande[n]t lor homes et lor millors amis ;
Tout autresi a fait li sors G.,
Car de la guere est B. touz fis.
Li rois en jure Dieu qi en † fu mis[1]
Q’il nel lairoit por tout l’or de Senlis
5530Qe del bastart ne soit vengement pris
Qi son bon borc li [a] ars et espris,
Et a roubée la cité de Paris,
Et si grant honte li fisent el païs,
B., Gautiers, d’Aras li sors G. ;
5535S’il n’a la terre dedens les .xv. dis,
Et Vermendois n’a a force conquis,
Il ne se prise vaillant .ij. parizis.
Ces escrivains en a a raison mis : [2]

  1. 5528 A en la †.
  2. 5538 B Ses chapelains.