Page:Anonyme - Raoul de Cambrai.djvu/431

320

raoul de cambrai

XLIIILa pais est faite, ansi com vos oez,
Et l’andemain, quant il fut ajornez,
Li rois de France ne s’est aseürez :
Droit vers Paris fut ses chamins tornez,
765O lui si home de cui il fut amez.
Gerins li rois vers Coloigne est alez ;
Siens iert li regnes, sire en estoit clamez.
D’autre part s’est Hernaus achaminez
Vers Gironvile dont il estoit chasez ;
770O lui s’an est li rois Girbers alez,
Et li anfant qui mout orent biautez,
Et Berneysonz et Hymberz li barbez,^[1]
Et Doz li Gris li cuvers parjurez.
De lor jornées ne me sus amanbrez,
775Mais tant esrerent, les frains abandonnez,
De Gironvile voient les fermetez.
ʄ. 312 dAn la vile antrent li baron naturez,
Vers le palais se sont achaminez,
Dame Ludie troverent au degrez ;^[2]
780Grant joie mainne, ses a tous acolez,
Quant elle sot qu’il ierent acordez,
Car Berniers iert de son lignage nez,
Et Doz li Gris et Ymberz li barbez.
A icest mot sont el palais montez.
.  .  .  .  .  .  .  .  .  .  .  .  .  .  .  .  .  .  .  .  .

---

1. 772 Ms. Bers^s.
2. 779 Ludie, femme d’Hernaud le Poitevin, appartenait au lignage des Lorrains par son père le vieux Fromond.