impunctum ; argentum alibi clarum, et aurum fulgurans, et succinum mire cavatum in lapides, ut bibas : et quidquid fieri non potest, ibi est. Diribitores plusculi, splendide amicti : fercula copiosa, puellæ scitulè ministrantes, pueri calamistrati pulchrè indusiati, gemmas formatas in pocula vini vetusti frequenter offerrentes.
Jam illatis luminibus epularis sermo percrebuit : jam risus adfluens, et joci liberales, et cavillus hincindè. Tùm infit ad me Byrrhæna : Quàm commodè versaris in nostrâ patriâ ? Quòd sciam, templis et lavacris, et cæteris operibus longè cunctas civitates antecellimus utensilibus, prætereà pollemus affatim. Certè libertas otiosa, et negotiosa quidem advenæ romana frequentia ; modesto verò hospiti quies villatica : omni denique provinciæ voluptarii secessus sumus.
Ad hæc ego subjiciens : Vera memoras,
