ille, non contentus quòd mihi nec adsistendi solatium præbuit insuper exitium meum cachinnat.
Inter hæc quædam mulier per medium theatrum lacrymosa et flebilis, atrâ veste contectâ, parvulum quemdam sinu tolerans decurrit : ac ponè eam anus alia pannis horridis obsita, paribusque mœsta fletibus, ramos oleagineos utræque quatientes, quæ circumfusæ lectulum, quo peremptorum cadavera contecta fuerant, plangore sublato lugubriter ejulantes : Per publicam misericordiam, per commune jus humanitatis, ajunt, miseremini indignè cæsorum juvenum, nostræque viduitati ac solitudini de vindicta solatium date. Certè parvuli hujus in primis annis destituti fortunis succurrite, et de latronis hujus sanguine legibus vestris et disciplinæ publicæ litate.
Post hæc magistratus qui natu major adsurgit, et ad populum talia : De scelere
