Iuif bruslé en la commune de Chasteau-Neuf, pour avoir dérobet une hostie, ou achepté, dict-on, car il estoyt riche.
Un iour de l’an suyvant, environ la Sainct-Jean des foins, ou
la Sainct-Jean qui fauche, comme nous disons en Touraine, advine
des Ægyptiacques, Bohémiens ou aultres troupes larronnesses, qui feirent ung vol de chouses sainctes à Sainct-Martin, et, au lieu et place de madame la Vierge, laissèrent, et en guyse d’insulte et mocquerie de nostre vraye foy, une infame iolie fille de l’aage d’un vieulx chien, toute nue, histrionne et mauricaulde comme eulx. De ce forfaict sans nom feut également conclud par les gens du Roy et ceulx de l’Ecclise que la Moresse payeroyt pour le tout, seroyt arse et cuicte vifve au quarroy Sainct-Martin,
