deux filles, comme il luy avoit promis. Lors il s’escria qu’il n’avoit jammais promis telle chose, et ouvrant la fenestre, cria par deux fois : Mortriau ! Mortriau ! quy veut dire : au meurtre ! Allors le Rosworm luy porta le poignard a la gorge, et luy fit dire par le page que, s’il parloit aux yoysins, ou s’il ne commandoit a ses filles de faire nostre volonté, il estoit mort, et me dit cependant que je prisse une des filles, et que je m’en jouasse. Moy, quy pensois estre venu a une affaire ou toutes les parties estoint d’accord, fus bien estonné lors que je vis qu’il nous falloit forcer des filles, et en la presence de leur pere. Je dis au Rosworm que je ne m’entendois point de forcer des filles. Il me dit lors que, sy je ne le voulois faire, je vinsse tenir le poignard a la gorge du pere, et qu’il feroit son devoir avec une des dites filles : ce que je fis a grand regret, et ces pauvres filles pleuroint. Le Rosworm commençoit a en baiser une, quand un grand bruit du voisinage, esmeu au cry qu’avoit fait l’hoste, luy fit lascher prise, et me dire qu’il nous falloit payer de courage et de bonne mine, ou nous estions perdus, et lors il fit dire a l’hoste qu’il le tueroit s’il ne nous faisoit sortir des mains du peuple. Cet hoste avoit une juppe volante, sous laquelle il luy mit sa dague qu’il luy tenoit contre la chair, et me fit donner le poignard du page pour en faire de mesme : et ainsy sortimes du poile jusques en la rue, l’hoste intimidé disant toujours au peuple que ce n’estoit rien, jusques a ce qu’estans un peu eslongnés, nous retirasmes nos dagues de dessous sa juppe, et l’hoste recommença à crier comme devant : Mortriau ! Mortriau ! ce quy convia le peuple de courir apres nous avesques infinis coups de pierre. Allors le
Page:Bassompierre - Journal de ma vie, 1.djvu/171
Le texte de cette page a été corrigé et est conforme au fac-similé.
135
1604. janvier.
![](http://upload.wikimedia.org/wikipedia/commons/thumb/c/c7/Bassompierre_-_Journal_de_ma_vie%2C_1.djvu/page171-1024px-Bassompierre_-_Journal_de_ma_vie%2C_1.djvu.jpg)