Ce mesme soir le roy donna la charge d’aposentador major[1] a don Louis Vanegas, vacante par la mort de son pere.
Le samedy 3me le roy donna une commanderie, vacante par la mort du comte de Salasar, au comte de Cabrilla, et le tiltre de comte de Anober a don Rodrigo Lasso neveu de[2] celuy quy estoit mort en Flandres peu de jours auparavant.
Monsieur l’ambassadeur et moy fumes voir don Baltasar de Suniga quy gouvernoit les affaires depuis ce nouveau regne.
Le dimanche 4me on m’ammena vingt carrosses dans lesquels nous nous mismes monsieur l’ambassadeur et moy et toute nostre suitte, conduits seulement par le comte de Baraxas a cause que ce n’estoit point une audience solennelle, mais privée, dans Saint Geronimo ou le roy estoit retiré et m’y admettoit par grace et pour honorer le roy son beau frere et luy montrer la promptitude avec laquelle il me vouloit despescher. Nous portions tous le dueil a l’espagnole avec la lova, la caperutza et le capirote[3], ce que je fis pour deux raysons : l’une, parce que tous les grands de l’audience et le roy mesme la portant, j’eusse esté descouvert, et eux non, ce quy ne m’eut esté bienseant ; l’autre, que j’en estois a cause de cela tres
- ↑ Président de la junte des aposentadores.
- ↑ Au lieu de : neveu de, il y avait : qui étoit venu de. — Rodrigue Nino, second fils de Garcias Lasso de la Vega et de Aldoncia Nino, devint IIe comte de Anover par héritage de son oncle Juan Nino, Ier comte de Anover.
- ↑ Loba, robe longue sans manches. — Caperuza, chaperon. — Capirote, manteau court, garni d’un capuchon.
