Page:Bassompierre - Journal de ma vie, 2.djvu/74

La bibliothèque libre.
Aller à la navigation Aller à la recherche
Le texte de cette page a été corrigé et est conforme au fac-similé.
70
journal de ma vie.

Mr le mareschal d’Ancres lequel ils desirent retirer de Picardie, luy souhaitans ailleurs toute [sorte] d’autres charges et honneurs, ce que je conseille a Vostre Majesté d’accepter et quy est a vostre avantage ; car vous le logerés et establirés en quelque autre province aussy bien ou mieux qu’en celle là ; vous en pourrés retirer des personnes quy ne vous y estoint pas sy affidées, et pourrés en mesme temps donner les charges que mondit sieur le mareschal y avoit, a quelque autre bon et fidelle serviteur quy fera contenir Mr de Longueville en son devoir aussy bien qu’eut peu faire monsieur le mareschal, lequel sera loué d’avoir cedé ses propres interets et son establissement au bien de la paix ; et Vostre Majesté aura tesmoygné a bon marché que vos serviteurs et creatures particulieres ne vous sont point sy cheres que le repos de l’estat. Voyla mon avis quant a ce point. Et pour celuy de sinner les arrets du conseil et les comptes de l’espargne, que Mr le Prince demande, je vous conseille aussy, Madame, de luy accorder sans regret ny dispute ; car cela ne vous touche point, ou s’il vous touche, c’est a vostre avantage ; et voicy ou je me fonde, que Mr le Prince viendra a la court ou n’y viendra point : s’il n’y vient point, il ne vous demande rien et vous ne luy accordés rien ; ou il y viendra, et je fais encor cet autre dilemme : ou il despendra absolument de vous, ne respirera que vostre obeissance et d’accomplir tous vos ordres et commandemens ; en ce cas vous aurés un grand avantage d’avoir a vostre devotion un premier prince du sang tres habile et entendu aux affaires, et y aurés acquis un bon serviteur et perdu un mauvais ennemy ; ou bien il persistera en ses mauvaises intentions,