voir sy le roy auroit aggreable que mon neveu de Bassompierre le vit, quy me fit respondre que non seulement il l'aggreoit, mais mesmes qu’il le desiroit, et qu'il aymoit mon neveu pour l'amour de luy mesme, aussy bien qu’a ma consideration.
Mars. — Le roy partit incontinent apres le caresme prenant[1] pour aller a Orleans forcer monsieur son frere de le venir trouver. Mon neveu fit demander encores au roy ce qu’il luy plaisoit qu’il devint, et le roy luy fit dire qu’il seroit bien ayse qu'il vint a ce voyage avec luy ; sur quoy je le fis mettre en tres bon esquipage et l’envoyay a sa suitte. Monsieur frere du roy, sentant le roy s'approcher de luy, ne le voulut attendre et s’en alla par la Bourgongne a Besanson avec Mrs d’Elbeuf et de Bellegarde. Le roy le suivit jusques a Disjon, et en s’en retournant a Chanseaux[2] on fit dire a mon neveu que le roy n’aggreoit pas qu’il le suyvit ny mesmes qu’il demeurat en France, mais qu’il trouvoit bon qu’il vint prendre congé de luy, ce qu'il fit et se retira aupres de son pere en Lorraine.
Le roy revint aux contours de Paris, et je fis solliciter ma liberté ; mais ce fut en vain. Je tombay malade dans la Bastille d’une enfleure bien dangereuse provenue peut estre de n’avoir pas pris d'air : aussy des que j’eus esté prommener sur la terrasse, je commençay a desenfler[3].
Avril. — Je sceus en mesme temps la mort de madame la princesse de Conty, dont j’eus l’affliction que
- ↑ Le mardi-gras était le 4 mars : le roi partit le 11.
- ↑ Le roi, arrivé le 26 mars à Dijon, en était reparti le 2 avril.
- ↑ Voir à l’Appendice. IX.
