Il eſt certain & aduoué de to9 ceux qui ont la cognoiſſance des Mines, qu’il n’y à aucun Metail dans ſa matrice ſans meſlange letorogene, eſtant touſiours meſlé auec lomogene : & qui le contredira ie m’offre à le vaincre par demonſtration. Ie dis donc qu’il ne ſe treuue que tres rarement du Plomb qu’il ne tienne d’Argent & n’en eſt iamais treuué qu’en Pologne, à la Mine de Kakaray, duquel les eſprouuers aux Officines de Cremis, Scheminis, & Neuſol en Hongrie, s’en ſeruẽt pour faire leur eſſay : auſſi il n’y a point de Cuiure qui ne tienne d’Argent, & bien ſouuent d’Or, & d’Argent : Comme la Mine de Neuſol, qui depuis quinze cens ans eſt trauaillée, & rend encores chaſque année tous fraits faits deux mil Richedales à ſa Sacrée Maieſté Imperialle, comme ie feray voir par les Cedulles de la Chãbre dudit Neuſol, Signé Rozé Lieutenãt du Baron de Beau-Soleil pour ſa Maieſté Imperialle, ſi biẽ que ceux qui ignorent le principe des Metaux, leur flus, & ſeparatiõ dãs le Fourneau du grand Teſt, perdent vn grand bien, & vendent le fin Or & Argent auec leur Plõb & cuiure, & auec les metaux meſlangez, & au lieu de trouuer du profit, ils trouuẽt de la perte : Et au contraire ceux qui par vne longue experience ſçauent ſeparer Letorogene de l’Omogene, ils trouuent vn grand profit, &
