Roi d’Arragon, laquele demorra en sa vertue, selonc l’ordenance purparlée entre les parties.
Item, que james l’un ne puet faire pees, treves, ne accord, sanz l’autre.
Item, que ovesqes la terre que lui meinnés tient lui demorront et serront délivrés les terres qe s’ensuent :
Primes, toute la duchée de Normandie entière, c’est assavoir tout ce qe lui Rois de Ffrance tient à jour de huy et est pur recompensacion de la countée d’Angolesme et d’autres rentes plusours qe au meisné sont duz ou tresor ;
Item, touz les countés de Champaigne, Brye et de Bygorre, tieles et en l’estat q’elles estoient quant lui Rois Lois Hustins vivoit, qe elles lui appartienent par verreie succession et de son heritage ;
Item, la countée de Tholouse toute entière, ovesques toutes ses appartenances ;
Item, semblablement toute la countée de Chartres et les appartenances ;
Item, les terres de Carcassès, de Bediers, de Montpellier, d’Aigemort, jusqes as montaignes d’Arragon, de Comenges et Ffois, et d’Aigemort retournant par Bel[cayre] et par Viviers jusqes à l’autre part de la contée de Tholouse droit à Massalle, sanz riens toucher à la duchée de Guyenne auncient.
Et est assavoir qe toutes les terres dessusdites serront tenuz du Roi a un hommage et une empere, et ent ferra home les devoirs acoustuméz, excepté tant qe de la terre du contée de Bigorre lui meismes, ne lui successour ne ferront jamès point de homage, ainceis serra ajointe à touz jours au roialme de meinsné ousi franchement come il est tenu au grey de paiis.
Item, à la veve blanche serra asssis en terre pris de lui le remenant de son dowair.
Item, qe un an après ce qe lui aisnés serra coroné et peisiblement sire de Paris, Reins et de tout le roialme, ou de la plus grant partie, il paiera au meisné c mil florins d’or qe lui sont duz au tresor pur plusours arrerages.
Item, que deux anz après ce qe dit est lui aisnés paiera c mille florins à l’escu à la veve blaunche pur certeins joialx qe homme lui tient contre reson.
Item, lui deux frères de lui meisné serviront bien, et lui aisnés lour ferra bien selonc lour estat.
Et parmy les choses dessusdites et les grantz tortz et defautes qe
