qu’elle avoit nourry pour estre un jour la trompette de sa renommée *. Le bon instinct | toutefois de vray François le chatouilloit à toutes [6] heures de revenir en France * : ce qu’il fit[1] et se retira vers le Duc d’Orleans, son premier maistre[2], qui le retint en son Escurie[3], où il avoit pour compagnon et familier amy le seigneur de Carnavalet *. Mais comme le Duc d’Orleans eut pris garde que Ronsard en tous exercices estoit le mieux appris de ses pages, fust à danser, luitter, sauter, ou escrimer, fust à monter à cheval, et le manier, ou voltiger, ne voulant qu’un si beau naturel s’engourdist en paresse, il le depescha pour quelques affaires secrettes en Flandres[4] et Zelande, avec charge expresse de passer jusques en Escosse * : ce qu’il fit, s’estant embarqué avec le sieur de Lassigny, Gentilhomme François *. Auquel voyage[5], pensant tirer en Escosse, le vaisseau auquel il estoit fut tellement, durant trois jours, pourmené par la tempeste, qu’il cuida sur la coste d’Angleterre estre brisé contre un rocher, mal-heur[6] qui fut seulement differé, pour sauver principalement nostre futur Arion d’un tel naufrage : car le navire qui avoit eschappé tant de dangers, apres avoir laissé sa charge sur la rade d’Escosse, sans peril fit[7] naufrage au port, brisé et enfondré[8] avec tout le bagage, que le plus grand soin de sauver la vie laissa à la mercy des flots *. Retourné qu’il fut de ce voyage, ayant attaint l’âge de quinze à seize ans il sortit hors de page, et l’an 1540 par son pere fut mis[9] en la compagnie de Lazare de Baïf, grand personnage, et des plus doctes de ce temps là, lequel ayant ja esté employé en belles et grandes charges, alloit pour lors[10] Ambassadeur pour le Roy à Spire, ville Imperiale d’Alemaigne, où l’on devoit tenir une Diete[11] *. En ce voyage il commença à pratiquer avec jugement les meurs et façons estrangeres, à observer curieusement les choses plus remarquables, et faire son proffit de
- ↑ AC en France, ce qu’il fit,
- ↑ BC son maistre,
- ↑ C qui le retint page en son Escurie,
- ↑ C pour quelques affaires en Flandres
- ↑ A François, auquel voyage | C François : Auquel voyage
- ↑ BC un rocher : malheur
- ↑ C, 1604, 1630 Escosse sans peril, fit | 1609, 1617, 1623 Escosse sans peril fit
- ↑ C enfoncé
- ↑ B Retourné qu’il fut de ce voyage, ayant attaint l’âge de quinze à seize ans il sortit hors de page, ayant esté audit Duc d’Orleans cinq ans, et l’an 1540 fut mis | C Retourné qu’il fut de ce voyage, ayant attaint seulement l’âge de quinze à seize ans, ayant esté au Duc d’Orleans cinq ans et jusques à son decez, et depuis à Henry qui fut depuis Roy * : l’an 1540 fut mis [même var. dans les éd. suiv., avec virgule après Roy].
- ↑ BC alloit lors
- ↑ C où se devoit tenir une Diete.
